चोपडा तालुक्यात हातेडजवळ दरोड्याच्या तयारीतील चार संशयितांना अटक
चोपडा (प्रतिनिधी) : चोपडा तालुक्यातील हातेड गावाजवळील युग पेट्रोल पंपावर दरोडा टाकण्याच्या तयारीत असलेल्या चार संशयितांना चोपडा ग्रामीण पोलिसांनी मध्यरात्री सापळा रचून पकडले. या कारवाईनंतर चोपडा ग्रामीण पोलीस ठाण्यात गुन्हा नोंदवण्यात आला असून, तपास सुरू आहे.पोलीस निरीक्षक कविता कमलाकर यांना मिळालेल्या गुप्त माहितीच्या आधारे, हातेड येथील युग पेट्रोल पंपाजवळ दोन दुचाकींवर काही संशयित आल्याचे कळले. त्यानुसार, त्यांनी तातडीने पथक तयार करून कारवाईचे निर्देश दिले. बुधवारी, २८ मे २०२५ रोजी मध्यरात्री १ वाजता पथकाने पेट्रोल पंपाजवळ सापळा रचून संशयितांना ताब्यात घेतले.अटक करण्यात आलेले संशयित :
सोनू चक्कर चव्हाण (वय २५). यशवंत निराधार पवार (वय ४२)धर्मा चिमण भोसले (वय ४०) भरत निराधार पवार (वय ३८)
(सर्व रा. जामदे, ता. साक्री, जि. धुळे)जप्त केलेला मुद्देमाल :चार मोबाईल फोनदोन दुचाकीलाल मिरचीची पावडरपिवळ्या रंगाच्या पट्ट्या
(एकूण अंदाजे ३ लाख २३ हजार रुपये किमतीचा)पोलिसांनी दिलेल्या माहितीनुसार, हे संशयित इतर गुन्ह्यांमध्येही सामील असण्याची शक्यता आहे. याबाबत सखोल तपास सुरू आहे. पोलीस कॉन्स्टेबल गजानन पाटील यांच्या तक्रारीवरून चौघांविरुद्ध गुन्हा दाखल करण्यात आला आहे. सहाय्यक पोलीस निरीक्षक पुढील तपास करत आहेत.
