Young man dies after falling into oil under the influence of alcohol नागपूर (15 सप्टेंबर 2025) : दारूच्या धुंदीत तेलात पडून तरुणाचा मृत्यू झाल्याची घटना रामटेक पोलीस ठाण्याच्या हद्दीतील नगरधन घडली. या प्रकरणी रामटेक पोलिसांनी अकस्मात मृत्यूची नोंद केल. आहे. प्रशांत कुंवरलाल मसुरके (25) असे मृताचे नाव आहे.
घटनेच्या दिवशी शनिवारी प्रशांत नगरधन येथील आठवडी बाजारात गेला होता. याठिकाणी तो दारुच्या नशेत असल्याने तोल जाणून उकळत्या तेलाच्या कढईत पडला. यात गंभीर झालेल्या प्रशांतचा दुसर्‍या दिवशी रविवारी उपचारादरम्यान मृत्यू झाला.
पोलिसांनी दिलेल्या माहितीनुसार, नगरधन येथे आठवडी बाजारात विक्की जनबंधू नावाचा दुकानदार भजी तळत होता. त्यासाठी त्याने तेलाची कढई चुलीवर ठेवली होती. त्याचवेळी दारूच्या नशेत असलेला प्रशांत मसुरके तिथे आला. दारूच्या धुंदीत असल्यामुळे त्याचा तोल गेला आणि तो थेट उकळत्या तेलाच्या कढईत पडला.
