Crime on the rise: Passenger robbed of Rs 18,000 in cash at knifepoint in Jalgaon जळगाव (20 सप्टेंबर 2025) : जळगावात गुन्हेगारांची हिंमत दिवसागणिक वाढत. चोर्या-घरफोड्या सातत्याने सुरू असताना आता जळगावात रिक्षात बसलेल्या प्रवाशाला चाकूचा धाक दाखवून त्याच्याजवळील 18 हजारांची रोकड जबरीने हिसकावून घेण्यात आली. ही घटना जळगावच्या खोटेनगर स्टॉपजवळ घडली. याप्रकरणी जळगाव तालुका पोलिसात त्रिकूटाविरोधात गुन्हा दाखल करण्यात आला.
काय घडले प्रवाशासोबत ?
जगदीश भालचंदद्र येवले (37, रा.खोटेनगर) यांच्या फिर्यादीनुसार, खोटे नगरात जगदीश येवले परिवारासह राहतात. आईस्क्रीम पार्लरचा त्यांचा व्यवसाय आहे. रविवार, 14 रोजी दुपारी साडेतीन वाजेच्या सुमारास दुकानावर जाण्याकरीता खोटेनगर स्टॉपवर रिक्षाची वाट पाहत उभे असताना पाळधीकडून येणार्या रिक्षाला त्यांनी हात दिला. रिक्षा चालकाने रिक्षा थांबवून दादावाडी जाण्यास होकार दिल्याने जगदीश येवले हे रिक्षात बसले. यावेळी अगोदर रिक्षात दोन प्रवासी बसलेले होते.
येवले हे रिक्षात बसत असतांना रिक्षात असलेल्या एका इसम खाली उतरला त्याने माझ्या पायाला दुखापत झाली आहे, असे सांगून त्याने येवले यांना मध्यभागी बसवले. रिक्षा खोटेनगर स्टॉपजवळून काही अंतरावर गेल्यानंतर रिक्षात बसलेल्या इसमांनी येवले यांना धारदार चाकूचा धाक दाखवून त्यांच्या खिशातील 18 हजारांची रोकड जबरीने काढून घेतली. त्यानंतर येवले यांना रिक्षातून उतरवून ते चोरटे तेथून पसार झाले. सहा दिवसानंतर त्यांनी तालुका पोलिसात धाव घेत तक्रार दिली. त्यानुसार अज्ञात चोरट्यांविरुद्ध गुन्हा दाखल करण्यात आला.
