All India Poets Conference at Ordnance Factory in Bhusawal भुसावळ (27 सप्टेंबर 2025) : भारत सरकारच्या अधिकृत भाषा धोरणांतर्गत हिंदी भाषेचा व्यापक वापर, प्रचार, प्रसार करण्यास प्रोत्साहन देण्यासाठी यंत्र इंडिया लिमिटेडच्या युनिट असलेल्या ऑर्डनन्स फॅक्टरीत 24 सप्टेंबर 2025 रोजी दुपारी तीन वाजता अखिल भारतीय कवी संमेलनाचे आयोजन करणयात आले. हिंदी पंधरवड्यात कवी संमेलनाचे आयोजन करणे हे सांस्कृतिक, भाषिक आणि साहित्यिक परंपरेचे प्रतीक आहे. त्याचा उद्देश केवळ मनोरंजन नाही तर नवीन पिढीमध्ये हिंदी भाषेचा गौरव, संवर्धन आणि प्रसार करणे हा देखील आहे.
यांची होती उपस्थिती
कवी संमेलनाला प्रमुख पाहुणे म्हणून विजय कुमार अय्यर निदेशक (ऑपरेशन) व अध्यक्ष सह प्रबंध निदेशक (अतिरिक्त प्रभार)
यंत्र इंडिया लिमिटेड, नागपूर आणि विशेष पाहुणे म्हणून यंत्र महिला कल्याण समिती, यंत्र इंडिया लिमिटेड, नागपूरच्या अध्यक्षा प्रिया कुमार
उपस्थित होत्या. ऑर्डनन्स फॅक्टरी भुसावळचे कार्यकारी निदेशक निरंजन लाल, यंत्र महिला कल्याण समिती भुसावळ शाखेच्या अध्यक्षा शोभना शर्मा यांची विशेष उपस्थिती होती. यंत्र महिला कल्याण समितीचे सर्व पदाधिकारी महिला, ऑर्डनन्स फॅक्टरीचे सर्व अधिकारी, जे.सी.एम. थ्री आणि जे.सी.एम. फोर चे सदस्य, कार्य समिती सदस्य, आयआर मेकॅनिझमचे सदस्य, युनियन असोसिएशनचे सर्व पदाधिकारी आणि कविता प्रेमी उपस्थित होते.
कवितांना मिळाली दाद
कवी संमेलनात देशभरातील प्रसिद्ध कवी, गझल लेखक, आणि टेलिव्हिजन सेलिब्रिटी सहभागी झाले होते. या कार्यक्रमाचे एक वैशिष्ट्य म्हणजे प्रमुख पाहुणे विजय कुमार अय्यर यांनी त्यांच्या रचना सादर केल्या. त्यांनी प्रेक्षकांची वाहवा मिळवली. कवी संमेलनात प्रमोद साहू पारखी, हरीश पांडे, मनोहर बौद्ध मसाखरा, तेज प्रताप तेज, रामवृक्ष गुप्ता एहसास, रोशनी अंबर, तरुण सागर, अजय प्रताप सिंह बघेल, सुषमा कलमकर यांनी त्यांच्या उत्कृष्ट रचनांनी प्रेक्षकांना मंत्रमुग्ध केले.
कवी संमेलनाच्या कविता मंचाचे अध्यक्ष म्हणून प्रमोद साहू पारखी यांनी काम पाहिले. श्री रामवृक्ष गुप्ता एहसास यांनी सूत्रसंचालन केले. कविता, विनोद, जोक, शौर्यपूर्ण भावनांनी भरलेले हे कवी संमेलन प्रेक्षकांच्या हृदयाला स्पर्शून गेले आणि त्यांच्या शब्दांच्या जादूने प्रेक्षकांना मोहित केले.
भुसावळ येथील ऑर्डनन्स फॅक्टरीचे कार्यकारी निदेशक निरंजन लाल यांनी आपल्या स्वागतपर भाषणात हिंदी भाषेचा राष्ट्रीय अभिमान असल्याचे वर्णन केले. हिंदी ही राष्ट्रीय ओळख निर्माण करते आणि देशात सर्वांना एकत्र आणते. या कवी संमेलनाचा उद्देश हिंदी भाषेबद्दल प्रेम, आदर आणि सर्जनशील अभिव्यक्तीला प्रोत्साहन देणे हा होता. हा प्रसंग प्रत्येकासाठी अधिकृत भाषा हिंदीच्या सन्मानार्थ सर्जनशील योगदान देण्यासाठी एक सुवर्ण माध्यम असेल.
प्रमुख पाहुणे विजयकुमार अय्यर यांनी हिंदी पखवाड्यादरम्यान अखिल भारतीय कवी संमेलन आयोजित केल्याबद्दल शुभेच्छा देताना सांगितले की, कवी संमेलनाचे आयोजन करणे हे हिंदीला, आदरणीय, उच्च स्थानावर नेण्याचा प्रयत्न आहे. हिंदीला समर्पित या पवित्र प्रसंगाचा भाग असल्याबद्दल त्यांनी मनापासून कृतज्ञता व्यक्त केली.
कवी संमेलनाच्या काव्य मंचाव्यतिरिक्त, एकूण कार्यक्रमाचे संचालन वरिष्ठ अनुवाद अधिकारी विवेक ओमप्रकाश स्वामी यांनी केले. आभार ऑर्डनन्स फॅक्टरी भुसावळचे महाप्रबंधक व राजभाषा अधिकारी रघु नंदन झा यांनी मानले.
