जिल्ह्यातील दोन पोलीस निरीक्षकांच्या बदल्या; एकाला मुदतवाढ
मानगावकर यांची मुंबईला बदली, शिंपी जिल्हा पोलिस दलात; पवार यांना मुदतवाढ
जळगाव | प्रतिनिधी
राज्य पोलीस विभागाकडून पोलीस निरीक्षकांच्या बदल्यांचे आदेश मंगळवार, दि. २७ मे रोजी जारी करण्यात आले. या आदेशांमध्ये जळगाव जिल्ह्यातील दोन पोलीस निरीक्षकांचा समावेश असून एका निरीक्षकास मुदतवाढही देण्यात आली आहे.
जिल्हापेठ पोलीस ठाण्याचे पोलीस निरीक्षक राकेश मानगावकर यांची बदली मुंबई शहरात करण्यात आली आहे. तर जिल्हा जात पडताळणी समितीत कार्यरत असलेले सागर शिंपी यांची बदली जळगाव जिल्हा पोलीस दलात करण्यात आली आहे. त्यांच्या नव्या नियुक्तीचे आदेश लवकरच अपेक्षित आहेत.
दरम्यान, भडगाव पोलीस ठाण्याचे पोलीस निरीक्षक पांडुरंग पवार यांना त्यांच्या सध्याच्या पदावर एक वर्षांची मुदतवाढ देण्यात आली आहे.
पोलीस निरीक्षकांच्या या बदल्यांमुळे जिल्ह्यातील काही पोलीस ठाण्यांमध्ये नव्याने कार्यरत होणाऱ्या अधिकाऱ्यांमुळे प्रशासनाच्या कामकाजात बदल होण्याची शक्यता आहे.
