Murder of a young man in Dahigaon : Police arrest third accused यावल (3 सप्टेंबर 2025) : यावल तालुक्यातील दहिगाव येथील 21 वर्षीय तरुणाच्या हत्येप्रकरणी यावल शहरातील सुतारवाडा भागात राहणार्‍या एका तरुणास पोलिसांनी अटक केली. तुषार राजेश लोखंडे उर्फ जन्नत (19, दहिगाव, ता.यावल) असे अटकेतील आरोपीचे नाव असून त्यास बुधवारी यावल न्यायालयाने 8 सप्टेंबरपर्यंत पाच दिवसांची पोलिस कोठडी सुनावली. या गुन्ह्यात अटकेतील आरोपींची संख्या तीन झाली आहे.
असे आहे हत्या प्रकरण ?
दहिगाव, ता.यावल येथील सुरेश आबा नगरातील रहिवासी इम्रान युनूस पटेल (21, मूळ रहिवासी हनुमंतखेडा, ता.धरणगाव) या तरुणाची शुक्रवार, 29 ऑगस्ट रोजी रात्री ज्ञानेश्वर गजानन पाटील (19) व गजानन रवींद्र कोळी (19, दोन्ही रा.सुरेश आबा नगर, दहिगाव) या तरुणांनी कोयत्याने वार करीत हत्या केली व त्यानंतर ते यावल पोेलिसांंना शरण आले.
पोलिसांनी दोघांना अटक केल्यानतंर न्यायालयाने 4 सप्टेंबरपर्यंत पोलिस कोठडी सुनावण्यात आली आहे. या गुन्ह्यात तपास करतांना आरोपीसोबत यावल शहरातील सुतारवाडा भागातील रहिवासी तुषार राजेश लोखंडे उर्फ जन्नत (19, दहिगाव, ता.यावल) हा देखील असल्याचे संशयीतांनी सांगितले व या तरुणासही पोलिसांनी अटक केली. त्याला बुधवारी यावल न्यायालयात प्रथमवर्ग न्या.आर.एस.जगताप यांच्यासमोर हजर केले असता त्याला 8 सप्टेंबरपर्यंत पाच दिवसाची पोलिस कोठडी सुनावण्यात आली.
तपास पोलिस निरीक्षक रंगनाथ धारबळे यांच्या मार्गदर्शनाखाली पोलिस उपनिरीक्षक अनिल महाजन करीत आहे.
