Dahigaon murder case : Two accused remanded in five-day police custody यावल (4 सप्टेंबर 2025) : यावल तालुक्यातील दहिगाव येथील 21 वर्षीय तरुणाच्या हत्येप्रकरणी अटकेत असलेल्या दहिगाव येथील दोघांची पोलिस कोठडी गुरूवारी संपली होती. त्यांना येथील न्यायालयात हजर केले असता दोघांना पुन्हा 8 सप्टेंबरपर्यंत पाच दिवसाची पोलिस कोठडी सुनावण्यात आली.
काय घडले दहिगावात
दहिगाव गावातील सुरेश आबा नगरातील रहिवासी इम्रान युनूस पटेल (21, मूळ रहिवासी हनुमंतखेडा, ता.धरणगाव) या तरुणाची शुक्रवार, 29 ऑगस्ट रोजी रात्री ज्ञानेश्वर गजानन पाटील (19) व गजानन रवींद्र कोळी (19, दोन्ही रा.सुरेश आबा नगर, दहिगाव) या तरुणांनी कोयत्याने वार करीत हत्या केली व त्यानंतर दोघे पोेलिसांंना शरण आले.
दोघांना न्यायालयाने गुरुवार, 4 सप्टेंबरपर्यंत पोलिस कोठडी सुनावली. या गुन्ह्यात यावल शहरातील सुतारवाडा भागातील रहिवासी तुषार राजेश लोखंडे उर्फ जन्नत (19) यालादेखील अटक करण्यात आली.
दहिगाव येथील दोघांची पोलिस कोठडी गुरूवारी संपल्याने दोघांना येथील न्यायालयात प्रथमवर्ग न्या.आर.एस.जगताप यांच्या समोर हजर केले असता दोघांना पुन्हा 8 सप्टेंबरपर्यंत पाच दिवसांची पोलिस कोठडी सुनावण्यात आली. तपास पोलिस निरीक्षक रंगनाथ धारबळे यांच्या मार्गदर्शनाखाली पोलिस उपनिरीक्षक अनिल महाजन करीत आहे.
