तलवार हातात घेऊन दहशत माजवणारा युवक जेरबंद; एमआयडीसी पोलिसांची कारवाई
जळगाव (प्रतिनिधी) :
शहरातील भारत गॅस समोरील खदाणी परिसरात तलवार हातात घेऊन नागरिकांमध्ये भीतीचे वातावरण निर्माण करणाऱ्या एका युवकाला एमआयडीसी पोलिसांनी तातडीने कारवाई करत जेरबंद केले. ही घटना १३ जून रोजी सायंकाळच्या सुमारास घडली.
शेख अफताब शेख कलीम (वय १९, रा. दत्तनगर) असे अटक करण्यात आलेल्या संशयिताचे नाव असून, तो धारदार तलवार घेऊन परिसरात दहशत माजवत असल्याची माहिती पोलिसांना मिळताच, त्यांनी घटनास्थळी धाव घेतली. पोलिसांनी अफताब याला ताब्यात घेऊन त्याच्याकडून तलवार जप्त केली आहे.
या प्रकरणी पोलिस शिपाई शशिकांत मराठे यांच्या फिर्यादीवरून एमआयडीसी पोलीस ठाण्यात शेख अफताब शेख कलीम याच्याविरुद्ध गुन्हा दाखल करण्यात आला आहे. पुढील तपास पोलीस हेडकॉन्स्टेबल संजीव मोरे यांच्या मार्गदर्शनाखाली सुरू आहे.
